Баян-Өлгий аймгийн Байгаль орчин, аялал жуулчлалын газар, аймгийн Аялал жуулчлалын холбоо хамтран “Аялал жуулчлалыг хамтдаа хөгжүүлье” сэдэвт хөтөч тайлбарлагч, жолооч нарын сургалтыг энэ сарын 18-19-ний өдрүүдэд Өлгий хотод амжилттай зохион байгууллаа.
Сургалтад аялал жуулчлалын үйл ажиллагаа эрхэлдэг 30 гаруй аж ахуйн нэгж, иргэдээс 150 гаруй хүн оролцлоо. Оролцогчдод мэргэжлийн хүмүүс хил хамгаалах хууль тогтоомж, тээвэрлэлтийн аюулгүй байдал, осол аваараас урьдчилан сэргийлэх арга хэмжээнүүд, жолооч, хөтөч тайлбарлагчийн  үүрэг, хариуцлага, эмнэлгийн анхан шатны тусламж, харилцааны соёл, Баян-Өлгий аймгийн аяллын онцлогууд,  зочдыг угтах, үдэж гаргах, аяллын зургийг хэрхэн авах, мөн хамгаалалтын захиргааны сургалт суртчилгаа хариуцсан мэргэжилтэн С.Жадыра  Тусгай хамгаалалттай газруудын үнэ цэнэ ба аялал жуулчлал  зэрэг сэдвүүдээр мэдээлэл өглөө.