Сийлхэмийн нурууны байгалийн цогцолборт газрын "А", "Б" хэсэг буюу Баян-Өлгий аймгийн Ногооннуур, Улаанхус сумын газар нутаг Орос, Монголын хил орчмын "ЦООХОР ИРВЭСНИЙ" амьдрах орчин, тархац нутаг, популяцийн тоо толгойг  тогтоох судалгааны ажлыг Дэлхийн байгаль хамгаалах сан/WWF/-гийн Монгол дахь хөтөлбөрийн газрын, Монголын Ирвэс төв, Ирвэс хамгаалах сан /snow leopard conservation/-тэй  хамтран боловсруулсан шинэ арга зүйгээр хийсэн.  Сийлхэмийн нурууны БЦГ-ын “А”,”Б” хэсгийн БЦГ-т тавьсан автомат камерийн судалгааг 2018 оны 05-р сарын 14-наас  нийт 15 хоногийн хугацаанд гүйцэтгэв. Сийлхэмийн нурууны БЦГ-ын “Б” хэсэгт 25 ширхэг автомат камер, Сийлхэмийн нурууны БЦГ-ын “А” хэсэгт 13 ширхэг  автомат камер байруулсан болно. Уг судалгааны ажилд хамгаалалтын захиргааны судалгаа, шинжилгээ, мэдээллийн сан хариуцсан мэргэжилтэн М.Жухан, С.Хайрат байгаль хамгаалагч А.Хайрат, орон нутгийн иргэдийн нөхөрлөлүүдийн гишүү, идэвхтэн байгаль хамгаалагч нар оролцов.