“Монгол экологи төв”-ийн удирдах зөвлөлийн гишүүн Роберт Макинтошийн дэмжлэгээр Монгол Алтайн Нурууны Улсын тусгай хамгаалалттай газруудын хамгаалалтын захиргаа Улаанбаатар хотод үйл ажиллагаа явуулдаг “Rally For Rangers Fauntation” төрийн бус байгууллагатай хамтран Алтай Таванбогдын Байгалийн цогцолборт газар болон Сийлхэмийн нурууны Байгалийн цогцолборт газруудын 13 байгаль хамгаалагч нарыг “YAMAHA” маркын бартаат замын мотоциклээр хангав. Энэхүү мотоцикль гардуулах ёслолыг 2018 оны 08 дугаар сарын 02-ны өдөр Алтай Таванбогдын Байгалийн цогцолборт газрын Шивээтхайрхан ууланд зохион байгуулсан бөгөөд тус арга хэмжээнд БОАЖЯ-ны Уур амьсгалын өөрчлөлт, гадаад хамтын ажиллагааны газрын дарга Х.Батжаргал, ТХНУГ-ын мэргэжилтэн Б.Жавзандулам, аймгийн Засаг дарга А.Гылымхан, ЗДТГ-ын Хөрөнгө оруулалт хөгжлийн бодлого төлөвлөлтийн хэлтсийн дарга З.Болат, Цэнгэл сумын Засаг даргын орлогч С.Бекет, 4 дүгээр багийн нутгийн ард иргэд маш олноор оролцов. Уг арга хэмжээнд нийтдээ гадаад, дотоод болон мэргэжилтэн, байгаль хамгаалагч нарын гэр бүл, үр хүүхдүүд, хамаатан садан нийлсэн 100 гаруй иргэд оролцов. Энэ үеэр “Монгол экологи төв”-ийн удирдах зөвлөлийн гишүүн Роберт Макинтошийн улсын тусгай хамгаалалттай газар нутгийн захиргаадын удирдлага, менежментийг сайжруулах ажилд оруулсан хувь нэмрийг үнэлж аймгийн Засаг даргын нэрэмжит “Хүндэт тэмдэг”-ээр, мөн Монгол Алтайн Нурууны Улсын тусгай хамгаалалттай газруудын хамгаалалтын захиргааны дарга С.Медеуханыг аймгийн “Тэргүүний ажилтан” тэмдэгээр тус тус шагналааssx