Олон Улсын ирвэс хамгаалах өдрийг угтан Говь- Алтай аймгийн Засаг даргын Тамгын газар, Байгаль орчин аялал, жуулчлалын газар, Гэр бүл, хүүхэд, залуучуудын хөгжлийн газраас Дэлхийн байгаль хамгаалах сангийн Монгол дахь хөтөлбөрийн газартай хамтран Цоохорын цоглог найзууд "Ирвэсийн эх нутагт -2019” фестивалийг 10 дугаар сарын 21-ний өдөр Алтай хотод амжилттай зохион байгуулагдав.
Тус арга хэмжээнд Говь-Алтай, ОХУ-ын Тува, Алтайн БНУ, Баян-Өлгий, Ховд, Увс, Өмнөговь аймгийн эко клубуудын багш, сурагчид нийт 200 орчим төлөөлөл оролцлоо.
Тус өдрийн хүрээнд Дэлхийн байгаль хамгаалах сангийн санхүүжилтээр Хүүхэд, залуучуудын соёл, амралтын хүрээлэнд ихэр гүемтэй ирвэсийн хөшөөг бүтээн нээлтийн ажиллагааг зохион байгууллаа.
Хамгаалалтын захиргааны сургалт, сурталчилгаа, аялал жуулчлал хариуцсан мэргэжилтэн С.Жадыра оролцож 2019 онд ирвэсний талаар хийгдсэн ажлаар итгэл тавив.
Баруун бүсийн дөрвөн аймгийн 21сумын сурагч нарын дунд явуулсан шилдгийн шилдэг ажлын уралдаанаас манай Толбо сумын сурагчид 2 дугаар байр эзэллээ.